عاجبك ياريس الى بيحصل للاقباط

تقييم المستخدم:  / 0

(صخرة قوتى ومحتماى فى الله)


عاجبك يا ريس اللى بيحــــــــــصل للأقباط

انت مبسوط ولا سايق ف الاستــــــــــــعباط

يا ترى سمعت باللى حصل ف العـــــــــمرانبة 

وأمنك ..اللى بيقتل بالرصاص حى ومـــــــطاط 

أكيد عاجبك ومبســــــوط اربع وعشرون قيراط 


***

هو الامن خلاص ..بياخد فرق ارهاب وحــــــجارة

وبياخد دورات تدريبية فى قتــــــــــل النــــــصارى

وملينا من الصبــــر وجانا الضغط والمــــــــــــرارة

ومش ح نسكت تانى..واللى حصل ده أمــــــــارة

احنا خلاص ..تعبنا من عدلك...اللى فاكرها شطارة


***
يعنى ضابط يضرب مواطن ...مسالم بالرصـــــــاص

يعنى ايه ؟؟!..دايما حقى متاكل ودايما انا ..منداس 

يعنى ايه ؟؟! اتقتل والقاتل...لا حكم ولا قصـــــاص

يعنى أيه ..!! يا ريس اتكلم...تستبيح كنيستى والقداس

يعنى أيه ..!! ساكت وكل اللى حافظه كلمة (لا مساس)